An nuna goyon bayan haramta hukuncin kisa

Tare da gagarumin rinjaye MƊD ta nuna goyon bayan ta ga daina aiwatar da hukuncin kisa a duniya baki ɗaya da nufin haramta yanke hukuncin kisa. A ƙuri´ar da ta kaɗa ƙasashe 99 na hukumar kare hakkin bil Adama ta majalisar sun goyi da bayan wannan mataki yayin 52 suka ki sannan ƙasashe 33 suka yi rowan ƙuri´unsu. Tarayyar Jamus da kuma sauran ƙasashen KTT, EU na daga cikin kasashen dake goyon bayan matakin na haramta hukuncin kisa. Alkalumman ƙungiyar kare hakin bil Adama ta kasa da kasa wato Amnesty International sun yi nuni da cewa har yanzu ƙasashe 66 na aiwatar da hukuncin kisa.