An gaza cimma matsaya kan rikicin Siriya | Labarai | DW | 26.06.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

An gaza cimma matsaya kan rikicin Siriya

Har yanzu an kasa cimma yarjejeniya game da lokacin da ya kamata a yi taron kasa da kasa domin kawo karshen yakin Siriya.

Jakadan wanzar da zaman lafiya a Siriya na Majalisar Dinkin Duniya Lakhdar Brahimi ya ce babu tabbacin za a gudanar da taron tattauna batun rikicin Siriya a watan gobe kamar yadda aka shirya.

Wanna batu na Brahimi na zuwa ne a dai dai lokacin da aka gaza cimma matsaya tsakanin Amirka da Rasha, a kan shirin tattauna batun kawo karshen rikicin kasar Siriyan da yaki ci yaki cinyewa.

Bangarorin biyu sun samu banbancin ra'ayi kan lokacin da ya kamata a gudanar da babban taron na kasa da kasa kan Siriya da aka shirya gudanarwa a Geniva da kuma wadanda da zasu halarci taron.

Mukaddashin Ministan harkokin kasashen waje na Rasha Gennady Gatilov, ya ce har yanzu ba a cimma yarjejeniya game da ko Iran dake zaman babbar kawa ga Shuagaba Bashar al-Assad na Siriya za ta halarci taron ba, da kuma wandanda za su wakilci bangaren 'yan tawayen Siriyan yayin taron.

Mawallafiya: Lateefa Mustapha Ja'afar
Edita: Umaru Aliyu