Amirka ta yi Allah wadai da rincabewar rikici a Kwango

Gomman sojoji ne da kuma fararen hula suka mutu a rikici sakamakon kazamin fada a tsakanin 'yan tawayen kungiyar M23 da kuma dakarun gwamnatin kasara yammacin birnin Goma.

A cikin sanarwar da ma'aikatar harkokin cikin gida ta Amirka ta fitar, ta bukacin 'yan tawayen da su gaggauta tsagaita bude wuta tare da ficewa daga yankin.

Kana ta zargi kasar Ruwanda da tallafawa 'yan tawayen. Sai dai Ruwandar ta dade ta na musanta wannan zargin. Amirka dai ta bukacin Ruwanda ta cire na'urorin makamai masu linzami na sama da ta jibge a Kwango.