'Yar Republican mai adawa da Trump ta sha kaye

'Yar majalisar Amirka Liz Cheney, ‘yar jam'iyyar Republican mai tsananin sukar Donald Trump, wadda ta goyi bayan binciken da majalisar dokokin kasar ta gudanar a kan mamayar ginin majalisa na Capitol, ta sha kaye a hannun wani dan takara da Trump ke mara wa baya a zaben fitar da gwani na jam'iyyar.

Da take amincewa da kayen da ta sha, Cheney, ta ce duk da haka ba za ta sauya matsayarta a kan 'karerayin' da Trump ke ta yadawa a game da zaben Amirka na 2020 ba. Ta ce tsohon shugaban na yi wa salon mulkin dimukuradiyya barazana.