1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

YANGON:Wanaharakati watatu wakamatwa na serikali

Serikali ya kijeshi ya Myanmar imewakamata wanaharakati wengine watatu wanaopinga serikali huku mchunguzi wa haki za binadamu wa Umoja wa Mataifa aliyeko nchini humo akisistiza kuwa hatua hiyo imesitishwa.Watu hao walikamatwa walipokuwa wakisambaza vikaratasi vinavyokosoa serikali katika soko la Mingalar mjini Yangon.Wanaharakati wengine wawili walikamatwa hapo jana wakati Paulo Sergio Pinheiro mjumbe wa kutetea haki za binadamu wa Umoja wa Mataifa alipokutana na mawaziri kwenye mji mkuu wa Naypidaw.Mjumbe huyo anatarajiwa kufanya mazungumzo na mawaziri wa mambo ya kigeni na Kazi kabla kurejea mjini Yangon hapo kesho.Ibrahim Gambari ni mjumbe maalum wa Umoja wa Mataifa nchini humo na anasema''Baada ya kushauriana nao Serikali tayari imefutilia mbali sheria ya kutotembea…..kuondoa majeshi barabarani….vilevile kuachia zaidi ya watu alfu mbili mia saba waliokamatwa wakati wa maandanamo ya kudai demokrasia… ''

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com