1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

WASHINGTON:Wolfowitz akana kukiuka sheria za maadili

Kiongozi wa Benki ya Dunia Paul Wolfowitz anakana kukiuka maadili baada ya kumwongeza mshahara mpenzi wake Bi Shaha Riza aliye pia mfanyikazi wa benki hiyo.

Bodi ya Benki ya Dunia inajadilia uwezekano wa kumruhusu Bwana Wolfowitz kuendelea na wadhifa wake jambo linalopingwa vikali na serikali za Ulaya.Rais wa Marekani George W Bush anamuunga mkono kiongozi wa benki hiyo aliyehusika kwa karibu na mpango wa uvamizi wa Iraq mwaka 2005.Marekani kwa kawaida huteua kiongozi wa Benki ya Dunia.

Hata hivyo Marekani huenda ikabadili msimamo wake kwa kumaliza kesi hiyo ya kukiuka maadili bila kumlazimisha Bwana Wolfowitz kujiuzulu.Badala yake Bodi ya Benki huenda ikatathmini uwezo wa Paul Wolfowitz wa kuongoza Shirika hilo lililo na nchi 185 wanachama kwa mujibu wa msemaji wa Ikulu ya Whitehouse Tony Snow.

Bi Shaha Riza mpenzi wake Bwana Wolfowitz aliongezwa mshahara na kupandishwa cheo miezi mitatu baada ya Bwana Wolfowitz kushika wadhifa huo mwezi Juni mwaka 2005.

Paul Wolfowitz aliye na umri wa miaka 63 anasisitiza kuwa alifuata mapendekezo ya kamati ya maadili ya Benki ya Dunia na kulaumu maadui wake wanaoendesha kampeni ya kumwondoa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com