1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

WASHINGTON:Uturuki kuimarisha majeshi yake mpakani na Irak

Uturuki itaendelea kuimarisha majeshi yake kwenye mpaka wake na Irak ya Kaskazini licha ya lawama zinazotolewa na jumuiya ya kimataifa.

Waziri mkuu wa Uturuki Recep Tayyip Erdogan amesema hayo katika ziara yake nchini Marekani na kuongeza kusema kuwa uwezekano mkubwa upo wa kuchukua hatua za kijeshi dhidi ya waasi wa Kikurdi.

Bwana Erdogan pia amekaribisha msimamo wa Marekani wa kuiunga mkono nchi yake katika kupambana na waasi wa Kikurdi wa chama cha PKK.

Rais Bush amemuhakikishia waziri mkuu wa Uturuki kwamba Marekani itashirikiana na Ankara kuhusu taarifa za kijasusi.

Rais Bush amependekeza kuwepo ushirikiano wa karibu wa kijeshi kati ya Marekani, Uturuki na Irak, huku akikitaja chama cha PKK kuwa ni adui wa mataifa hayo matatu.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com