1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

WASHINGTON:Marekani kurejesha uhusiano na serikali ya Palestina

Marekani na Umoja wa Ulaya zitarejesha uhusiano na serikali ya Palestina kwa kuiondolea serikali hiyo vikwazo na kuanza kuipa tena misaada ya fedha.

Akizungumza muda mfupi baada ya serikali mpya ya Palestina kuundwa, waziri wa mambo ya nje wa Marekani bibi Condoleeza Rice ameahidi kuwapa wapalestina misaada kamilifu madhali, serikali hiyo mpya sasa haina wawakilishi wa chama cha Hamas.

Ili kutekeleza shabaha hiyo Marekani itaondoa vikwazo ilivyoweka hapo awali kufuatia ushindi wa chama cha Hamas katika uchaguzi.

Bibi Rice pia amesema Marekani inakusudia kuondoa vikwazo vya fedha dhidi ya serikali ya Palestina.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com