1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

WASHINGTON: Bush kukutana na Putin

Rais wa Urusi, Vladamir Putin, yumo nchini Marekani kwa mazungumzo na rais George W Bush.

Mazungumzo yao leo yanatarajiwa kutuwama juu ya hali ya wasiwasi iliyopo baina ya Marekani na Urusi. Mahusiano baina ya nchi hizo mbili yameathiriwa na mpango wa Marekani kutaka kujenga mfumo wa ulinzi wa makombora mashariki mwa Ulaya na kutokubaliana kuhusu hatima ya jimbo la Kosovo nchini Serbia.

Marekani na Urusi zimeyaeleza mazungumzo hayo kuwa yasiyo rasmi na kufutilia mbali uwezekano wa kufikiwa makubaliano ya maana.

Wakati huo huo, maelfu ya waandamanaji wamekusanyika kupinga mkutano baina ya rais Bush na rais Putin karibu na eneo wanakokutana viongozi hao mjini Kennebunkport kaskazini mashariki mwa Marekani.

Maandamano hayo yamelenga kupinga hatua ya Marekani kujihusisha na vita vya Irak.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com