Viongozi wa Ulaya wakutana kujadili njia za kukabiliana na mgogoro wa fedha | Wafanyakazi wa Idhaa ya Kiswahili | DW | 04.10.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Viongozi wa Ulaya wakutana kujadili njia za kukabiliana na mgogoro wa fedha

Viongozi wa Ulaya wanakutana leo hii kujaribu kuweka mkakati wa pamoja kukabiliana na mgogoro wa fedha duniani katika mkutano wao mdogo wa viongozi mjini Paris Ufaransa.

default

Rais Nicolas Sarkozy wa Ufaransa ameitisha mkutano huo wa viongozi juu ya mgogoro wa fedha.

Rais Nicolas Sarkozy wa Ufaransa ambaye nchi yake hivi sasa inashikilia urais wa kupokezana wa Umoja wa Ulaya atakuwa mwenyeji wa mkutano huo utakohudhuriwa na viongozi wa Ujerumani,Uingereza na Italia.Ujerumani imelikataa pendekezo lililowasilishwa na Ufaransa la kuwepo kwa mfuko wa euro bilioni 300 kuzipa nguvu benki zenye matatizo.

Ujerumani na Uingereza nchi zote mbili zimekuwa zikikataa kutowa fedha za walipa kodi kwa mfuko huo utakaosimamiwa na Umoja wa Ulaya.Badala yake zimependekeza hatua zichukuliwe kwa kutegemeana na kesi kuokowa taasisi za kifedha.

Viongozi wa Ulaya wanatumai kuwa na msimamo wa pamoja juu ya namna ya kukabiliana na kimbunga hicho cha fedha kilichozushwa na mgogoro wa mabenki ya Marekani kabla ya mkutano wa mawaziri wa fedha wa Kundi la Mataifa Manane yenye maendeleo makubwa ya viwanda duniani utaofanyika mjini Washington wiki ijayo.

  • Tarehe 04.10.2008
  • Mwandishi Mohamed Dahman
  • Chapisha Chapisha ukurasa huu
  • Kiungo http://p.dw.com/p/FTu7
  • Tarehe 04.10.2008
  • Mwandishi Mohamed Dahman
  • Chapisha Chapisha ukurasa huu
  • Kiungo http://p.dw.com/p/FTu7

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com