1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Usalama kupewa kipaumbele Misri

Kuhifadhi usalama na kurejesha maisha ya kawaida ndio vipaumbele vya muda mfupi kwa serikali ya mpito nchini Misri.

default

Sherehe kuu katika mji mkuu Cairo.

Waziri Mkuu Ahmed Shafiq alitamka hayo kwenye televisheni baada ya kukutana na mkuu wa baraza la kijeshi Mohammed Hussein Tantawi. Alisema kuwa serikali ya mpito itatoa kipaumbele kurejesha utulivu. Vile vile alitoa mwito wa kuwepo umoja kati ya umma na serikali. Serikali ya mpito imeahidi kuanzisha mageuzi ya kidemokrasia na kuheshimu makubaliano ya kimataifa, ukiwemo mkataba wa amani uliotiwa saini pamoja na Israel tangu muda mrefu.

Ägypten Proteste Demonstranten und Panzer in Kairo

Kwa mujibu wa shirika la habari la serikali MENA, waziri mkuu wa zamani Ahmed Nasif na waziri wa habari wa hivi sasa Anas el Fekki wamepigwa marufuku kusafiri nje. Hata mali ya waziri wa zamani wa ndani Habib el Adli na familia yake imezuiliwa. Sababu ni tuhuma kuwa kampuni moja ya ujenzi imelipa kiasi ya Euro 500,000 katika akaunti ya Adli binafsi.

Hosni Mubarak

Rais Hosni Mubarak alijiuzulu kufuatia maandamano ya siku 18 na Wamisri wamesherehekea kuondoka kwake, huku wengine hiyo jana, wakijitolea kuusafisha uwanja wa Tahrir, kitovu cha vuguvugu la upinzani dhidi ya serikali.

Mwandishi: Prema Martin/afpe,rtre,dpae
Mhariri:Maryam Abdalla

DW inapendekeza

  • Tarehe 13.02.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10GQl
  • Tarehe 13.02.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10GQl

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com