1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

TRIPOLI: Wauguzi watano na daktari mmoja wahukumiwa kifo

Mahakama moja nchini Libya imewahukumu kifo wauguzi watatno raia wa Bulgaria na daktari mmoja raia wa Palestina kwa kuwaambukiza watoto 400 virusi vya ukimwi.

Hakimu aliyeisikiliza kesi hiyo kwa mara ya pili aliwasomea hukumu washtakiwa kwenye mahakama ya mjini Tripoli baada ya kesi kumalizika.

Washukiwa wote sita ambao wamekuwa wakizuiliwa kwa miaka saba, walikuwa wamehukumiwa kifo lakini majaji wakawapa nafasi kesi yao kusikilizwa tena kufuatia mbinyo wa kimataifa.

Kamishna wa sheria wa halmashauri ya Umoja wa Ulaya Franco Frattini ameshtushwa na uamuzi wa mahakama hiyo na kuitaka ifikirie hukumu yake.

Wakili wa washukiwa amesema atawasilisha malalamiko yake mahakamani.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com