1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

TEHERAN: Umoja wa Mataifa hauna msimamo mmoja asema Ahmedinejad

Rais Mahmoud Ahmadinejad wa Iran amekosoa vikali azma ya Baraza la Usalama la Umoja wa Mataifa ya kutaka kuiwekea Iran vikwazo kwa sababu ya mradi wake wa kinuklia ulio na utata.Ahmedinejad, amelituhumu baraza hilo kuwa halina msimamo mmoja.Alipozungumza hii leo,alisema nchi zinazomiliki silaha za kinuklia zinawazuia wengine haki ya kutumia teknolojia ya kinuklia kwa matumizi ya amani.Ametamka hayo siku moja baada ya rais wa Urussi Vladimir Putin kukutana na Ali Larijani mjini Moscow.Larijani,ni mpatanishi mkuu wa Iran katika majadiliano yanayohusika na mradi wa kinuklia wa Iran.Teheran inasisitiza kuwa inataka kuzalisha nishati na inapinga kabisa madai ya Marekani kuwa inajaribu kutengeneza silaha za kinuklia.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com