1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Shirika la kutetea haki za waandishi lalaani mashambulizi.

Nairobi. Shirika linalotetea haki za waandishi , la waandishi wasio na mipaka leo limeshutumu shambulio dhidi ya waandishi habari wawili nchini Tanzania ambao wamepigwa na mwingine kumwagiwa tindikali machoni.

Shirika hilo lenye makao yake makuu mjini Paris limesema kuwa watu hao waliwashambulia Saeed Kubenea, mchapishaji wa gazeti la kila wiki la Kiswahili la Mwanahalisi, na mhariri wake Ndimara Tegambwage katika ofisi zao mjini Dar es Salaam.

Gazeti la Mwanahalisi linafahamika kwa ripoti zake za uchunguzi. Waandishi wasio na mipaka limesema kuwa shambulio hilo lilikuwa ni jaribio la kuwanyamazisha waandishi hao, ambao gazeti lao limesaidia hapo kabla kufichua kashfa kadha nchini humo. Shirika hilo la kutetea haki za waandishi limesema kuwa shambulio hilo la kinyama lililotokea siku ya Jumamosi , linasikitisha hususan kwa kuwa limetokea katika nchi ambayo kwa kawaida haina utamaduni wa kutumia nguvu kuwanyamazisha waandishi. Haijafahamika nani anahusika na shambulio hilo na polisi wanachunguza. Rais wa Tanzania Jakaya Kikwete, ambaye pia amekuwa akishutumiwa na gazeti hilo kwa rushwa, ameshutumu shambulio hilo kuwa ni la kinyama.

  • Tarehe 08.01.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Cmba
  • Tarehe 08.01.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Cmba

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com