1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Sheria za upelelezi ziondolewe vizingiti

Rais wa Marekani,George W.Bush ametoa wito kwa Bunge kuregeza vikwazo vinavyohusika na upelelezi wa washukiwa ugaidi.

Katika hotuba yake ya kila juma kwenye redio,Bush aliwahimiza wabunge waidhinishe sheria ya FISA ya mwaka 1978 inayohusika na utaratibu wa upelelezi ambayo imefanyiwa marekebisho kulingana na hali ya sasa.

Bush amesema,magaidi wanatumia teknolojia ya kisasa kama vile simu za mkono na mtandao wa Internet.Akaongezea kuwa teknolojia ya aina hiyo haikuwepo pale sheria ya FISA ilipopitishwa takriban miaka 30 iliyopita na haikufanyiwa mageuzi kuambatana na maendeleo ya kiteknolojia.Kwa hivyo,taifa linazuiliwa katika uwezo wake wa kupata habari za upelelezi zinazohitajiwa,ili kuweza kuhifadhi usalama wa umma.

Mswada wa sheria uliopendekezwa na Ikulu ya Washington katika mwezi wa Aprili,unataka kuregeza vikwazo kuhusika na udakaji wa barua pepe,mazungumzo ya simu na mawasiliano mengine nchini Marekani.

Wabunge wa chama cha Demokratik wamesema,wao hawatoidhinisha marekebisho hayo.

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com