1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

SHARM EL SHEIKH:Irak yafutiwa madeni na jumuiya ya kimataifa

Zaidi ya nchi 50 zimekubaliana na pendekezo la jumuiya ya kimataifa kusaidia kuimarisha hali nchini Irak.

Makubaliano hayo yalifikiwa katika mkutano wa kimataifa juu ya Irak, unaofanyika katika pwani ya Sharm el Sheikh nchini Misri.

Miongoni mwa makubaliano hayo ni pamoja na kuifutia Irak deni la dola zipatazo billioni 30, pamoja na ahadi za kusaidia ujenzi upya wa miradi mbalimbali nchini humo.

Katibu Mkuu wa Umoja wa Mataifa, Ban Ki-moo ambaye ndiye mwenyekiti wa mkutano huo, alisema kuwa jumuiya ya kimataifa ina wajibu wa kuisadia Irak.

Pembezoni mwa mkutano huo, Waziri wa Mmabo ya Nje wa Marekani, Condoleza Rice alifanya mazungumzo na mwenziye wa Syria Walid al Moualem.

Bi condoleza Rice leo hii anatarajiwa kukutana na Waziri wa Mambo ya Nje wa Iran, Manouchehr Mottaki, pembezoni mwa mkutano huo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com