1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

SHARM EL SHEIKH:Abbas na Olmert kukutana nchini Misri

Mkutano wa pande mbili baina kiongozi wa mamlaka ya Palestina Mahmoud Abbas na waziri mkuu wa Israel Ehud Olmert unatarajiwa kuanza katika mji wa pwani wa Sharm el Sheikh nchini Misri.

Mkutano huo unaazimia kutafuta njia za kuanzisha uhusiano mpya kati ya Palestina na Israel baada ya chama cha Fatah kinacho ongozwa na rais Mahmoud Abbas kujitenga na chama cha Hamas tangu chama hicho kilipoudhibiti Ukanda wa Gaza.

Hapo jana serikali ya Israel iliamua kuachilia mamilioni ya dola kwa utawala wa rais Mahmoud Abbas lakini maafisa wameeleza kuwa Israel bado inasita kuondosha vizuizi na vikwazo vinginevyo katika Ukingo wa Magharibi hadi pale utawala wa rais Mahmoud Abbas utakapo wajibika zaidi katika kupambana na wapiganaji wenye msimamo mkali.

Mazungumzo hayo yanahudhuriwa na rais Hosni Mubarak wa Misri na mfalme Abdullah wa Jordan.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com