1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

SAO PAULO: Papa Benedict aendelea na ziara yake Brazil.

Kiongozi wa Kanisa Katoliki Papa Benedict wa kumi na sita amewasili nchini Brazil kwa ziara ya siku tano.

Hiyo ndiyo ziara ya kwanza ya Papa katika eneo la Amerika Kusini ambako kuna karibu nusu ya idadi ya wafuasi wa kanisa Katoliki duniani.

Papa Benedict anatembelea Brazil kwa nia ya kufungua rasmi kongamano kubwa la maaskofu wa Amerika Kusini siku ya Jumapili katika mji wa Aparecida.

Kongamano hilo linalenga kuandaa mikakati ya kukabiliana na idadi inayoongezeka ya wakatoliki wanaoasi kanisa lao katika eneo hilo na kujiunga na madhehebu ya Kiinjili.

Mara alipowasili mjini Sao Paulo, Papa alitoa hotuba akipinga utoaji mimba akisema maisha ya mwanadamu yanapaswa kuheshimiwa tangu kuzaliwa mpaka kufa kwake.

Papa alisema hayo jana kiasi wiki mbili baada ya Mji wa Mexico City, ambao una wakatoliki wengi, kuruhusu utoaji mimba.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com