1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

NEW YORK: Marekani na Ufaransa zataka vikwazo dhidi ya Iran

Marekani na Ufaransa zimesema zinaiunga mkono hatua ya kuiwekea Iran vikwazo vipya kwa kuendelea kurutubisha madini ya uranium kinyume na matakwa ya Umoja wa Mataifa.

Nchi hizo zimetangaza hayo baada ya Shirika la Umoja wa Mataifa linaloshughulikia nishati ya nyuklia, IAEA, kutangaza Iran imepuuza tarehe ya mwisho iliyowekewa isimamishe urutubishaji wa madini ya uranium.

Mkuu wa shirika hilo, Mohammed el-Baradei amesema anaamini Iran inahitaji kati ya miaka mitatu hadi miaka minane ifikie hatua ya kutengeneza silaha za kinyuklia.

Mataifa ya magharibi yamekuwa yakishuku Iran kwamba imepania kuutumia mradi wake huo kutengeza silaha za kinyuklia, lakini taifa hilo limekuwa likikanusha madai hayo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com