1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

New York. Ban Ki-Moon katibu mkuu mpya wa umoja wa mataifa.

Baraza kuu la umoja wa mataifa lenye mataifa wanachama 192 limemuidhinisha rasmi waziri wa mambo ya kigeni wa Korea ya kusini Ban Ki-Moon kuwa katibu mkuu wa umoja wa mataifa. Ban anachukua nafasi ya Kofi Annan atakapoacha madaraka Desemba mwaka huu baada ya kutumikia wadhifa huo kwa muda wa miaka kumi.

Kiongozi huyo mwenye umri wa miaka 62, ambaye ni mwanadiplomasia amesema kuwa anataka kutumia hali ya upole wa watu wa bara la asia kuweza kuiongoza taasisi hiyo ya dunia , lakini ameonya kuwa hali hiyo isichukuliwe kuwa ni udhaifu.

Upole unahusiana na utu, sio kuhusu mwelekeo na malengo, Ban amesema.

Atakuwa katibu mkuu wa nane tangu kuundwa kwa umoja wa mataifa mwaka 1945 na ni wa pili kutoka katika bara la Asia kushika wadhifa huo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com