1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MOSCOW: Hakuna mgogoro kati ya Urusi na Umoja wa Ulaya

Serikali ya Moscow imekanusha kuwa uhusiano wa Umoja wa Ulaya na Urusi unakabiliwa na mzozo. Mjumbe wa Urusi katika Umoja wa Ulaya,Sergei Yastrzhembsky aliwaambia maripota kuwa Brussels na Moscow zinajaribu kutenzua matatizo yaliopo hivi sasa.Akakubali kuwa daima,kulikuwepo matatizo,lakini hali hiyo isichukuliwe kama ni ishara ya mzozo.Matamshi yake yametolewa siku moja baada ya mkutano wa waziri wa nje wa Ujerumani,Frank-Walter Steinmeier pamoja na rais wa Urusi Vladimir Putin.Steinmeier alikwenda Moscow kuzungumza masuala ya utata kama vile mustakabali wa jimbo la Kosovo,Urusi kuzuia kuagizia nyama kutoka Poland-nchi iliyo mwanachama katika Umoja wa Ulaya na suala la kuondoshwa kwa sanamu ya ukumbusho wa vita ya enzi ya Soviet Union ya zamani,nchini Estonia.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com