1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MOGADISHU:10 wauawa katika ghasia za mjini

Watu wanane wameuawa mjini Mogadishu kufuatia mapigano kati ya majeshi ya Ethiopia yanayounga mkono jeshi la serikali ya muda ya Somalia na wanamgambo.Majehsi hayo yanatia juhudi kudumisha amani mjini humo.Wanajeshi 5 walipoteza maisha yao pale gari walimokuwamo kulipuka kwenye bomu la kutegwa ardhini mkoani Arafat ulio kaskazini mwa mji mkuu wa Mogadishu.Eneo hilo linaaminika kuwa la ghasia nyingi.

Raia mmoja aliuawa kusini mwa Mogadishu kwenye mkoa wa Blacksea wakati wanamgambo waliporushia kikosi cha jeshi walioshika doria guruneti.Tukio hilo lilisababisha wanajeshi hao kulipiza kisasi.Haijulikani iwapo kifo cha mtu huyo kilisababishwa na mlipuko au risasi.Watu wengine wawili wanaripotiwa kuuawa katika mlipuko wa guruneti kwenye soko mjini Afgoye ulio takriban kilomita 30 magharibi mwa Mogadishu.Wengine 12 walijeruhiwa katika shambulio hilo.

Ghasia hizo zimesababisha vifo vya watu 30 katika kipindi cha siku mbili zilizopita.Somalia inazongwa na ghasia tangu utawala wa Rais Mohamed Siad Barre kungolewa mwaka 91.

Mkutano wa maridhiano ya kimataifa unaendelea mjini Mogadishu ila kususiwa na mahakama za kiislamu vileviole wawakilishi wa ukoo mkubwa wa Hawiye.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com