1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Mito yafurika Thailand

Serikali ya Thailand yawalazimisha wakaazi kuondoka mji mkuu Bangkok

default

Mwanamume apeleka baiskeli katika barabara iliyojaa maji mjini Bangkok

Mto mkuu mjini Bangkok nchini Thailand umefurika hapo jana na kupasua baadhi ya kingo zake.

Übeschwemmung Thailand Bangkok

Mto Chao Phraya ulioko Bangkok

Wataalamu wanahofia kuwa maji ya mto Chao Phraya huenda yakavuka vizuizi na kujaa katika eneo la biashara la mji huo. Kuta za kuzuia maji zina urefu wa mita 2.5 lakini maji yanatarajiwa kufikia hadi mita 2.6 hii leo.

Barabara nje ya Bangkok zimejaa magari, wakati maelfu ya watu wakiyakimbia mafuriko hayo, ambayo ni mabaya kabisa kuwahi kushuhudiwa nchini humo katika nusu karne. Magunia ya mchanga yamewekwa katika majengo mbalimbali mjini humo ili ya kuyakinga dhidi ya maji yanayozidi kufurika.

Serikali imeachilia mbali pendekezo la kuchimba mitaro katika baadhi ya barabara ili kuyatoa maji hayo mashariki mwa Bangkok, fikra ambayo imeungwa mkono na mwenyekiti wa tawi la kampuni ya kutengeneza magari Toyota Thailand, ambae kiwanda chake kimejaa maji.

Akizungumzia athari za mafuriko hayo mshauri mmoja mkuu wa benki ya Bangkok, Ling Hong, alisema kuwa uharibifu uliosababishwa na mafuriko hayo ni pigo kubwa kwa nchi hiyo.

Übeschwemmung Thailand Bangkok

Magunia ya mchanga yamewekwa kuzuia maji

Alisema uharibifu wa viwanda vitano muhimu ambavyo vilifurika maji katika eneo la kaskazini la Bangkok, umesababisha hasara ya kati ya dola milioni 11.4 hadi milioni 14.7 .

Wakaazi wamekumbana na mamba na nyoka ambao wanaokimbia mashamba yaliofurika. Televisheni nchini humo zinaonyesha msongamano wa magari yaliokuwa yakiondoka mjini humo lakini idara ya trafiki imesema, haikuweza kutoa idadi kamili ya watu wanaouhama mji wa Bangkok, kwani kamera nyingi za barabarani zimefunikwa na maji.

Wizara ya ulinzi imesem, wanajeshi 50,000 walio na maboti 1000 na magari 1000, wapo tayari kusaidia kuhamisha wakaazi. Kituo cha serikali cha kukabiliana na hali za dharura, kimesema hivi karibuni, kutakuwepo vituo vya kuwahamisha wakaazi katika majimbo 8 ambavyo vitaweza kupokea kati ya watu 100,000 na 200,000. Mpaka sasa, janga hilo la mafuriko la miezi mitatu nchini humo, limekuwepo katika majimbo ya kaskazini na ya kati. Takriban watu 400 wameuawa.

Mwandishi: Maryam Abdalla/RTRE/DPA/AFP
Mhariri: Prema Martin

DW inapendekeza

  • Tarehe 29.10.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/131QM
  • Tarehe 29.10.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/131QM

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com