1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MILAN:Mmisri aliyehusika na mashambulio ya Madrid kufungwa jela miaka 10

Makahama ya Italia imemhukumu kifungo cha miaka 10 jela mtuhumiwa mkuu wa mashambulio ya mabomu yaliyotokea kwenye kituo cha treni mjini Madrid mwaka 2004.

Washataki wa Milan walitaka raia huyo wa Misri Rabei Osman Sayed Ahmed mwenye umri wa miaka 35 ahukumiwe kifungo cha miaka 14 jela wakisema anamafungamano na mtandao wa kigaidi ulioenea kote barani ulaya.

Mtuhumiwa mwingine aliyekuwa akizuiliwa amehukumiwa kifungo cha miaka mitano jela.

Mmisri Rabei Ahmed ambaye alikamatwa mjini Milan miezi mitatu baada ya mashmbulio ya Madrid amekanusha kuwa na mafungamano na kundi la itikadi kadi za kiislamu la nchini Misri.

Rabei anatazamiwa kurudishwa nchini Uhispania atakakoshtakiwa pamoja na washukiwa wengine 20 wa mashambulio ya madrid mapema mwakani.

Watu 191 waliuwawa na wengi kujeruhiwa kwenye mashambulio hayo dhidi ya treni mjini Madrid mwaka 2004.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com