1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Mazungumzo kati ya kansela Angela Merkel na rais Sarkozy mjini Berlin

Ujerumani na Ufaransa zimeamua kuwa na msimamo mmoja katika juhudi za kuiokoa Ugiriki.Kansela Merkel na rais Sarkozy wa Ufaransa wanakubaliana hata benki na mashirika ya bima yachangie.

default

Kansela Angela Merkel(kulia) na rais Sarkozy

Ufaransa inaonyesha kuachana na msimamo wake wa kupinga kujumuishwa mabenki ya kibinafsi na mashirika ya bima katika mpango wa kuipatia msaada ziada wa mabilioni ya Euro Ugiriki. Hata hivyo, mchango wa sekta hiyo ya kibinafsi unatakiwa uwe wa hiyari .

"Tumepata ufumbuzi wa namna ya kujumuishwa sekta ya kibinafsi tena kwa hiyari-"Amesema rais Nicolas Sarkozy wakati wa mkutano pamoja na waandishi habari mjini Berlin. Nae kansela Angela Merkel akaongezea :

"Ninasema kinaga ubaga,hakuna misingi ya kisheria hivi sasa inayolazimisha kufanya hivyo, tunasema pia mchango wowote wa wafadhili wa kibinafsi unabidi uandaliwe kwa ushirikiano pamoja na Benki Kuu ya Ulaya ili kuepukana na sintafahamu. Kwa namna hiyo, tunasisitiza ufumbuzi unahitajika haraka ili kueleta hali ya uwazi katika suala hilo."

Dossier Schulden Haushalt Steuern Währung Konjunktur Euro Dossierbild 2

Sarafu ya Euro

Thamani ya sarafu ya Euro imepanda kulinganisha na Dollar kufuatia makubaliano yaliyofikiwa Berlin kati ya Ufaransa na Ujerumani-wafadhili wawili wakubwa wa Ugiriki.

Mataifa hayo mawili yanataka kufanya kila liwezekanalo kuhakikisha utulivu wa sarafu ya Euro-amesema hayo kansela Angela Merkel wakati wa mkutano pamoja na rais Nicolas Sarkozy wa Ufaransa mjini Berlin:

"Ninataka kusema wazi wazi, ili ieleweke na ninasisitiza kile ambacho daima tumekuwa tukikisema: Euro ndio sarafu yetu ya pamoja. Umoja wa Ulaya na sarafu ya Euro vinategemeana. Ujerumani imefaidika sana na sarafu ya Euro, nguvu zake za kiuchumi, nguvu za kiuchumi za Ujerumani zinashikamana sana na nguvu za sarafu ya Euro na ndio maana tutafanya kila la kufanya kudhamini utulivu wa sarafu ya Euro, na kuhakikisha matatizo yanamalizika."

Angela Merkel und Nicolas Sarkozy in Berlin

Kanasela Merkel na rais Sarkozy wa Ufaransa

Mbali na suala la Ugiriki, kansela Angela Merkel na rais Nicolas Sarkozy wa Ufaransa wamekubaliana umuhimu wa kuzidishwa vikwazo vya kimataifa dhidi ya Syria na kutoa mwito wa kuachiwa huru mwanajeshi wa Israel, Gilad Shalit, aliyetekwa nyara tangu June mwaka 2006 na wanamgambo wa Hamas huko Gaza.

Mwandishi:Hamidou Oummilkheir/dpa/dapd/afp

Mhariri:Miraji Othman

  • Tarehe 17.06.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/11e0b
  • Tarehe 17.06.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/11e0b

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com