1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

Mataifa yanayoendelea yanahitaji fedha zaidi kupunguza ujoto duniani.

Bangkok.

Mataifa yanayoendelea katika mkutano wa mabadiliko ya hali ya hewa unaofanyika katika mji mkuu wa Thailand , Bangkok yamesema kuwa yanahitaji fedha zaidi kutoka mataifa yenye viwanda ili kujiondoa kutoka katika chumi zenye kuharibu mazingira na kutoa gesi zaidi ya carbon.

Wajumbe kutoka mataifa masikini zaidi duniani wamesema kuwa hawatatia saini makubaliano ya kupunguza ujoto duniani mwaka 2009 hadi pale watakapopata dola bilioni kadha kila mwaka.

Mkataba huo unalenga katika kubakisha viwango fulani vya utoaji wa gesi ya carbon katika muongo ujao na asilimia 50 ya punguzo ifikapo mwaka 2050.

Jumla ya mataifa 164 yanashiriki katika mkutano huo wa siku tano wiki hii, ambao unajaribu kutafuta njia ya nini kifanyike baada ya mwaka 2012, wakati mkataba wa Kyoto utakapomalizika.

Wanasayansi wametahadharisha kuwa ongezeko la ujoto duniani litaleta hali mbaya ya hewa itakayoleta uharibifu pamoja na kupanda kwa viwango vya bahari, hadi pale ongezeko la gesi zinazoharibu mazingira litakapodhibitiwa katika muda wa miongo miwili ijayo.

  • Tarehe 01.04.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/DYch
  • Tarehe 01.04.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/DYch

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com