1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KINSHASA : Waasi wagoma kusalimisha silaha

Waasi wa Jamhuri ya Kidemokrasi ya Congo wamesema hapo jana hawatosalimisha silaha zao bila ya kuwa na mazungumzo licha ya onyo la serikali la kutaka wafanye hivyo ama sivyo watakabiliwa na shambulio jipya la serikali.

Serikali ya imewapa vikosi vya waasi chini ya Generali wa Kitutsi Laurent Nkunda hadi leo kusalimisha silaha venginevyo kujiunga na jeshi nchini ya mchakato wa kuwajumuisha jeshini au kurudi kwenye maisha ya kiraia.

Serikali imegoma kuzungumza na waasi hao ambao imekuwa ikipambana na vikosi vya serikali katika mkoa wa mashariki wa Kivu ya Kaskazini kwa wiki nzima.

Msemaji wa Nkunda amesema hawatosalimisha silaha wakati wanajeshi wa serikali wakiendelea kuwashambulia na kwamba watajibu mapigo kwa shambulio lolote lile.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com