1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KIEV:Yulia Timoshenko asema kutakuwa na mizengwe uchaguzi wa Septemba

Kiongozi wa upinzani nchini Ukraine Yulia Tymoshenko amezungumzia wasiwasi wake juu ya uchaguzi ujao wa bunge.

Amesema anaamini kwamba uchaguzi huo wa mapema utakabiliwa na mizengwe.

Tayari maafisa wa uchaguzi wamejaribu kukizuia chama chake kugombea kwenye uchaguzi huo.

Uchaguzi huo wa mwezi septemba umeitishwa baada ya kuwepo kwa mivutano ya kung’angania uongozi kati ya rais na waziri mkuu Viktor Yanukovych.

Tymoshenko amesema anawasiwasi kwamba uchaguzi huu hautakuwa huru na wa haki kwa sababu sheria zilizokuweko za kujaribu kuzuia udanganyifu katika upigaji kura zilibadilishwa hivi karibuni na maafisa wa uchaguzi.

Waangalizi wa kimataifa pia wamezungumzia mashaka yao kuhusu uchaguzi huo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com