1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KIEV: Majaji watishwa katika juhudi za kuumaliza mzozo wa kisiasa

Majaji watano wa mahakama ya katiba nchini Ukraine wamesema mbinyo wa kisiasa na vitisho vinazuia juhudi zao za kuumaliza mgogoro wa kisiasa unaoendelea nchini humo.

Mahakama ya katiba imeulizwa kuamua ikiwa rais Viktor Yuschenko anayeegemea mataifa ya magharibi na ambaye kwa miezi kadhaa amekuwa haelewani na bunge na waziri mkuu Viktor Yanukovich, alivunja sheria kwa kulivunja bunge na kuitisha uchaguzi wa mapema.

Mahakama hiyo ilitarajiwa kupitisha uamuzi wake hii leo lakini imeahirisha kazi hiyo hadi Jumanne wiki ijayo.

Rais Yuschenko ameupongeza msimamo wa majaji hao wa mahakama ya katiba akipendekeza atakuwa tayari kubadili tarehe ya uchaguzi mpya unaotarajiwa kufanyika tarehe 27 mwezi ujao.

Waziri mkuu Viktor Yanukovich amesema hatashiriki katika uchaguzi ambao bado unasubiri uamuzi wa mahakama.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com