1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KHARTOUM.Mwakilishi wa umoja wa mataifa atii amri na kuondoka Sudan

Mwakilishi wa umoja wa mataifa nchini Sudan Jan Pronk ameondoka kutoka nchini humo baada ya utawala wa Sudan kumtaka afanye hivyo.

Pronk aliamriwa kuondoka kutoka nchini Sudan baada ya kuandika katika mtandao wake wa kibinafsi kuwa jeshi la Sudan linakabiliwa na hali ya kuvunjika moyo na pia limeshindwa vibaya katika vita dhidi ya waasi wa jimbo la Darfur magharibi mwa nchi hiyo.

Jan Pronk ambae amewasili mjini New York anatarajiwa kushauriana na katibu mkuu wa umoja wa mataifa Koffi Annan, msemaji wa umoja wa mataifa amedokeza kuwa katibu mkuu Koffi Annan ana imani kubwa na bwana Pronk.

Sudan imekuwa ikipinga hatua ya kupelekwa nchini humo wanajeshi 20,000 wa kulinda amani wa umoja wa mataifa kuchukuwa mahala pa kikosi cha wanajeshi 7,000 wa umoja wa nchi za Afrika AU.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com