1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KHARTOUM: Tume ya Umoja wa Mataifa kukutana na Rais wa Sudan

Tume ya Baraza la Usalama la Umoja wa Mataifa, imewasili Khartoum,mji mkuu wa Sudan,kukutana na Rais Omar al-Beshir.Tume hiyo inataka hakikisho kutoka Rais al-Beshir juu ya njia ya kutekeleza makubaliano ya kupeleka vikosi vya Umoja wa Mataifa na Umoja wa Afrika,katika jimbo la mgogoro la Darfur,magharibi mwa Sudan.Khartoum ambayo hapo awali ilipinga juhudi za kupeleka vikosi vya kimataifa kulinda amani Darfur,juma lililopita lilibadilisha msimamo wake kufuatia shinikizo kubwa la kimataifa na vitisho vya kuwekewa vikwazo vikali na Umoja wa Mataifa.Hivi sasa,kama wanajeshi 7,000 wa Umoja wa Afrika wapo Darfur,lakini hawakuweza kuzuia mapigano.Kwa mujibu wa Umoja wa Mataifa,hadi watu 200,000 wamepoteza maisha yao katika mgogoro huo wa miaka minne.Vile vile,zaidi ya watu milioni mbili wamelazimishwa kuondoka majumbani mwao.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com