1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KAMPALA : Polisi wapambana na waandamanaji

Polisi ya Uganda leo imetumia maji ya moto na mabomu ya kutowa machozi,virungu na risasi za moto kuwatwanya mamia ya wafuasi wa upinzani waliokuwa wakipinga kukamatwa kwa wanasiasa wawili wanaoshutumiwa kuchochea ghasia dhidi ya Wahindi.

Maafisa wa usalama wengi wakiwa katika mavazi ya kawaida walitumia nguvu kuwatawanya mamia ya waandamanaji waliokusanyika kuwaunga mkono wabunge wawili wa upinzani waliokamatwa kuhusiana na maadamano yaliofanyika hapo Alhamisi ambapo Muhindi mmoja na waandamanaji wawili wameuwawa.

Polisi iliwakamata wabunge Beatrice Atim na Hussein Kyanjo na watu wengine 25 hapo Jumatatu kuhusiana na maandamano ya ghasia mjini Kampala wiki iliopita kupinga mpango wa serikali wa kuuza theluthi moja ya msitu wa Mabira kwa kampuni inayomilikiwa na Muhindi kwa ajili kupanda miwa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com