1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KABUL : Taliban yashambulia wanajeshi wa Ujerumani

Wanamgambo wa Taliban wamedai kuhusika na shambulio dhidi ya wanajeshi wa kulinda amani wa Ujerumani katika mji mkuu wa Afghanistan Kabul.

Msemaji wa kikosi cha kimataiaa cha usaidizi wa usalama ISAF kinachoongozwa na Umoja wa Kujihami wa Mataifa Magharibi NATO amesema mshambuliaji wa kujitolea muhanga maisha amelibamiza gari lake na msafara wa jeshi la Ujerumani Bundeswehr karibu na uwanja wa ndege wa Kabul.

Wanajeshi wawili wa Afghanistan wameuwawa katika shambulio hilo wakati mwanajeshi mmoja wa Ujerumani amejeruhiwa kidogo.

Katika shambulio jengine la roketi kwenye kambi ya jeshi la Marekani katika jimbo la Kunar mashariki mwa Afghanistan takriban raia 10 inaripotiwa kuwa wameuwawa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com