1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

JERUSALEM:Olmert na Livni kushirikiana kikazi

Waziri mkuu wa Israel Ehud Olmert amesema hatomfuta kazi waziri wake wa mambo ya nje Tzipi Livni licha ya waziri huyo kumtaka hadharani bwana Olmert ajiuzulu.

Livni alitoa tamko hilo wiki iliyopita kufuatia kutolewa kwa ripoti rasmi iliyomkosoa waziri mkuu olmert kwa jinsi alivyoendesha vita vya Lebanon.

Haya yamejitokeza baada ya waziri mkuu Olmert na waziri wake Tzipi Livni kukutana kwa muda mfupi baada ya kumalizika kikao cha baraza la mawaziri cha kila mwisho wa wiki ambacho kimejadili zaidi masuala ya kidiplomasia.

Bwana Olmert amefanikiwa kuituliza miito ya kumtaka ajiuzulu iliyokuwa inatolewa na pande mbali mbali za kisiasa nchini Israel.

Hata hivyo tume iliyochaguliwa na serikali kuchunguza juu ya vita vya Lebanon itatoa ripoti ya mwisho katika muda wa miezi kadhaa ijayo na huenda ikapendekeza waziri mkuu Olmert aondoke madarakani.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com