1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

JERUSALEM: Olmert akutana na Abbas leo

Waziri mkuu wa Israel, Ehud Olmert, anatarajiwa kukutana na rais wa mamlaka ya Palestina, Mahmoud Abbas, mjini Jeruselam hii leo.

Viongozi hao watajadili maswala ya kisiasa kuhusu maandalizi ya mkutano wa kimataifa wa kusaka amani baina ya Israel na Palestina utakaofanyika baadaye mwaka huu.

Msemaji wa Israel amesema mkutano huo wa kimataifa huenda ukafanyika mjini Jerusalem, lakini uamuzi wa mwisho kuhusiana na mkutano huo bado haujapitishwa.

Wakati haya yakiarifiwa mfalme Abdulah II wa Jordan ameonya kwamba mkutano wa kimataifa wa kutafuta amani kati ya Waisraeli na Wapalestina unaodhaminiwa na Marekani huenda usifaulu ikiwa pande zote husika katika mchakato wa amani hazitafanya maandalizi ya kutosha katika majuma machache yajayo.

Rais wa Misri, Hosni Mubarak, kwa upande wake amesema bila matayarisho mazuri na kuwa na ajenda iliyo wazi, mkutano huo utashindwa kufikia makubaliano kati ya Israel na Palestina.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com