1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ISLAMABAD : Musharraf agoma kuondowa hali ya hatari

Waziri Mkuu wa zamani wa Pakistan Benazir Bhutto yuko katika mji wa Lahore kabla ya kufanyika kwa maandamano ya kupinga utawala wa hali ya hatari hapo Jumanne.

Bhuttto amesema tangazo la Rais Musharraf hapo jana la kufanyika uchaguzi wa bunge hapo mwezi wa Januari ni hatua nzuri lakini amesema kutokana na kuwepo kwa utawala wa hali ya hatari itakuwa vigumu kufanya kampeni.

Musharraf hapo jana ametetea uamuzi wake wa kutangaza utawala wa hali ya hatari huku kukiwepo na shinikizo la kimataifa kuondolewa utawala huo.

Marekani mojawapo ya waungaji mkono wakuu wa Musharraf imeikaribisha hatua ya Musharraf ya kutangaza tarahe ya uchaguzi lakini waziri wa mambo ya nje wa Marekani Condolleezza Rice amesema kwamba utawala wa hali ya hatari lazima uondolewe nchini huno haraka iwezekanavyo.

Wakati huo huo mawaziri wa mambo ya nje wa nchi za Jumuiya Madola wanatazamiwa kukutana baadae leo hii mjini London Uingereza kujadili iwapo au la kusitisha uwanachama wa Pakistan kwenye jumuiya hiyo ya takriban nchi nyingi ziliokuwa makoloni ya zamani ya Uingereza.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com