1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

HARARE: Amri ya kutopandisha bei za bidhaa Zimbabwe

Nchini Zimbabwe,polisi inaendelea kuchukua hatua dhidi ya maduka yanayokwenda kinyume na amri ya serikali,kutopandisha bei za bidhaa.Rais Robert Mugabe,mwezi uliopita alitoa amri kwa maduka yote kusita kupandisha bei za bidhaa.Hatua hiyo imechukuliwa katika juhudi ya kuzuia mfumuko wa bei ambao hivi sasa ni asilimia 4,500.Baada ya kuyalazimisha maduka katika mji mkuu wa Harare na miji mingine kufuata amri hiyo,askaripolisi sasa wameanza kuchukua hatua za kuhakikisha kuwa amri hiyo inatekelezwa na maduka yalio nje ya miji mikubwa.Kiasi ya wenye maduka 1,800 wamekamatwa kwa madai kuwa wametoza bei za juu kwa bidhaa na huduma zao.Zimbabwe inakabiliwa na upungufu mkubwa wa chakula na mafuta ya petroli.Vile vile inakadiriwa kuwa kiwango cha ukosefu wa ajira ni asilimia 80.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com