1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

IDHAA YA KISWAHILI

Hali ya mtafaruku yatanda Kenya

---

NAIROBI

Chama cha Upinzani nchini Kenya kinachoongozwa na Raila Odinga ODM kimedai ushindi katika uchaguzi mkuu.

Akidai ushindi wa chama hicho Mgombea mwenza wa raila Odinga bwana Musalia Mudavadi amesema kutokana na tume kuchelewesha matokeo ya urais ni wazi kwamba raila Odinga ndie rais mpya wa Kenya na hivyo bwana Mwai Kibaki inambidi akubali Kushindwa.Hata hivyo mwenyekiti wa Tume ya Uchaguzi bwana Samuel Kivuitu akizungumzia kuhusu kucheleweshwa kwa matokeo hayo amesema hajafahamu ni kwanini baadhi ya vituo havijatoa matokeo na wanapojaribu kupiga simu kuuliza simu hizo zimefungwa.

Hali hiyo imetajwa kuwaghadhabisha wakenya na kuzusha ghasia katika maeneo kadhaa ya nchi hiyo ambapo watu wawili wameuwawa kwa kupigwa risasi na Polisi mjini Nairobi.Mapema leo hii wafuasi bwana Raila Odinga waliwasha moto na kuandamana katika maeneo kadhaa kupinga hatua ya tume ya uchaguzi.

Matokeo ya mwanzo yanampa ushindi wa wazi bwana Raila Odinga akiwa na asilimia 49 ya kura zilizohesabia dhidi ya rais Mwai Kibaki aliyepata asilimia 45. Upinzani lakini unadai kwamba kuna hila kutoka upande wa serikali za kuiba kura na kumpa ushindi rais Mwai Kibaki anayewania muhula wa pili madarakani.Ujumbe wa waangalizi wa uchaguzi huo kutoka Umoja wa Ulaya imetoa mwito kwa wakenya kuacha vurugu na kusubiri matokea kamili yatakayotangazwa na Tume ya Uchaguzi.

  • Tarehe 29.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Chsx
  • Tarehe 29.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Chsx

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com