1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

GAZA:Hamas na Fatah wasitisha ghasia

Vyama vinavyopingana huko Palestina Hamas na Fatah vimekubaliana kusitisha ghasia katika eneo la ukanda wa Gaza.

Kwa mujibu wa duru za habari pande hizo mbili zimeafikiana kukomesha mapigano yaliyozuka kwenye barabara za eneo hilo pamoja na kuwaondoa wanamgambo na kurejea katika mdahalo wa kitaifa juu ya kutafuta suluhu.

Kiasi cha watu watatu akiwemo msichana wa umri wa miaka 19 waliuwawa katika mapigano ya risasi kati ya chama cha Hamas na Fatah huko Gaza,mapigano ambayo yalizuka baada ya rais Mahmud Abbas kuitisha uchaguzi wa mapema jambo ambalo limepingwa vikali na chama cha Hamas kinachotawala Palestina.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com