1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

GAZA: Makubaliano kuhusu wafungwa yafikiwa kati ya Israel na Palestina

Makubaliano ya kubadilishana wafungwa yamefikiwa kati ya Israel na Palestina katika juhudi ya kuachiliwa huru kwa mwanajeshi wa Israel anayezuiliwa na wanamgambo wa kipalestina.

Duru nchini Palestina zimearifu kuwa mpango huo utakaoruhusu wafungwa wa kipalestina wanaozuiliwa na Israel kuachiliwa huru, utatangazwa Alhamisi ijayo kwenye mkutano kati ya rais wa Misri, Hosni Mubarak, na waziri mkuu wa Israel Ehud Olmert.

Misri imekuwa mpatanishi mkuu katika mazungumzo baina ya makundi ya Israel na Palestina kuhusiana na kuachiliwa huru wafungwa wa kipalestina na mwanajeshi wa Israel, koplo Gilad Shalit.

Shalit alitekwa nyara na wanamgambo wa kipalestina mnamo mwezi Juni mwaka jana mjini Gaza, hatua iliyosababisha uvamizi wa jeshi la Israel ambapo mamia ya wapalestina waliuwawa.

Waziri Olmert amezungumza kwa njia ya simu na rais wa Palestina, Mahmoud Abbas kuhusu kuachiliwa kwa wafungwa wa kipalestina kutoka jela za Israel

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com