1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

GAZA: Ghasia zasitisha mashauriano kati ya Hamas na Fatah.

Watu kiasi kumi na watatu wameuawa kwenye mapigano kati ya makundi hasimu ya Wapalestina kwenye ukanda wa Gaza na kusababisha kuvunjika kwa mazungumzo ya kuunda serikali ya umoja wa kitaifa.

Idadi hiyo ya watu waliouawa ndio kubwa zaidi iliyotokana na ghasia za wenyewe kwa wenyewe za Wapalestina kwa siku moja, tangu chama cha Hamas kiliposhinda uchaguzi mkuu mwaka uliopita.

Msemaji wa Hamas, Ismail Radwan, amesema chama chake kimechukua hatua hiyo kuonyesha upinzani wake dhidi ya mapigano hayo.

Ghasia zilianza wakati maelfu ya wafuasi wa Hamas walipoandamana katika ukanda wa Gaza kusherehekea mwaka mmoja tangu chama hicho kiliposhinda uchaguzi dhidi ya chama cha Fatah kinachoongozwa na Rais Mahmoud Abbas.

Kwa sasa hivi, wapatanishi wanashauriana na chama cha Fatah ili kuhakikisha kuachiliwa huru wafuasi kumi na tisa wa Hamas waliotekwa nyara na wanamgambo wa Fatah wakati wa ghasia hizo.

Pande hizo mbili zimekuwa zikishauriana kwa majuma kadhaa kwa nia ya kuunda serikali ya umoja wa kitaifa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com