Fedha na mali zingine za Mubarak kuzuiwa? | Matukio ya Kisiasa | DW | 15.02.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Fedha na mali zingine za Mubarak kuzuiwa?

Watu wa Misri wataka Mali za viongozi wa zamani zirejeshwe nchini

default

Aliekuwa Rais ya Misri Hosni Mubarak

Misri imetoa ombi kwa Marekani, Uingereza na Ufaransa la kuzizuia akiba za benki za waliokuwa viongozi wa ngazi za juu katika utawala wa Rais Hosni Mubarak.

Lakini msemaji wa wizara ya mambo ya nje wa Ufaransa Bernard Valero ameeleza kuwa Misri imeiomba nchi yake izuie akiba za benki za viongozi wengine na siyo za Mubarak na za familia yake.Hata hivyo Uswisi imetangaza kuwa tayari imeshazizuia akiba za Mubarak.

Nchi kadhaa za Ulaya ikiwa pamoja na Ujerumani zimesema kuwa zimelipokea ombi hilo la Misri.Mawaziri wa fedha wa Ulaya leo watakutana mjini Brussels kuzungumzia juu ya Misri ambapo watalijadili ombi la nchi hiyo juu ya kuzizuia mali za Mubarak na za watu wake.

Waziri wa mambo ya nje wa Uingereza William Hague amesema kuwa nchi yake italizingatia ombi la Misri na kwamba itachukua hatua madhubuti na za haraka endapo utapatikana ushahidi juu ya kuibiwa fedha za serikali ya Misri.Akizungumza bungeni waziri Hague alisema kuwa serikali ya Uingereza imepokea ombi la serikali ya Misri la kuzikamata mali za viongozi wa kadhaa waliokuwamo katika utawala wa Rais Mubarak. Waziri Hague aliliarifu bunge kuwa Uingereza imeshachukua hatua kama hiyo kuhusiana naTunisia baada ya rais wa nchi hiyo kuangushwa na watu wake.

Nchini Ujerumani, wizara ya mambo ya nje pia imethibitisha kuwa imelipokea ombi hilo.

  • Tarehe 15.02.2011
  • Mwandishi Abdu Said Mtullya
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10HEX
  • Tarehe 15.02.2011
  • Mwandishi Abdu Said Mtullya
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10HEX

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com