1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

DAMASCUS: Syria yakosoa juhudi za kupatikana amani kati yake na Israil.

Rais Bashar al-Assad wa Syria amesema jitihada za kutafuta amani kati ya serikali yake na Israil hazijafanikiwa vyovyote ingawa kumekuwa na juhudi za kimataifa kujaribu kuyapatanisha mataifa hayo mawili.

Bashar aliwaambia wabunge wa nchi yake Marekani imekuwa ikiishinikiza Israil idumishe uadui kati yake na Syria.

Rais huyo wa Syria amesema washika dau wote wanapaswa kuzingatia suala la ardhi kwa ajili ya amani na Israil iwe tayari kurejesha ardhi zote za mataifa ya kiarabu.

Bashar al-Assad amesema iwe iwavyo ni lazima Syria irejeshewe eneo la milima ya Golan.

Syria imekuwa mara kwa mara ikitolea wito Israil kushauriana nayo kuhusu kurejeshwa eneo la milima ya Golan lililotekwa na Israil mwaka 1967.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com