1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Condoleezza Rice asema hali nchini Kenya inatia wasiwasi

Waziri wa mashauri ya kigeni wa Marekani, Condoleezza Rice, amesema machafuko yanayoendelea nchini Kenya yanatia wasiwasi.

Kwa mara nyingine kiongozi huyo amewataka viongozi wa Kenya watafute suluhisho la kisiasa kwa mzozo uliosababishwa na matokeo ya uchaguzi wa tarehe 27 mwezi Disemba mwaka jana.

Condoleezza Rice amewaambia waandishi wa habari mjini Washington kwamba kuna haja ya kila mkenya kuwa na utulivu na kuziunga mkono juhudi za Kofi Annan kutafuta makubaliano kati ya rais Mwai Kibaki na kiongozi wa upinzani Raila Odinga.

Condoleeza Rice ambaye alikuwa akikutana na waziri wa mashauri ya kigeni wa Albania, Lulzim Basha, kujadili maswala mengine, amesema atawasiliana na Kofi Annan hii leo kutathmini vipi Marekani na nchi nyingine zinavyoweza kusaidia kuumaliza mzozo huo wa kisiasa nchini Kenya.

  • Tarehe 30.01.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CzXb
  • Tarehe 30.01.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CzXb

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com