1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

COLOMBO: Waasi wa Tamil Tigers waonya kupanua mapigano yao

Waasi wa Tamil Tigers leo wametishia kupanua mapigano yao dhidi ya majeshi ya serikali ya Sri Lanka, ikiwa serikali inataka vita. Onyo hilo limetolewa baada ya jeshi la wanamaji kutangaza limewaua waasi 20 wa Tamil Tigers.

Msemaji wa kundi hilo, Rasiah Ilanthirian, amesema waasi wako tayari kukubali vita au amani na wanasubiri hatua ya serikali kuhusiana na hali ya baadaye ya mogogoro huo.

Waasi sita waliuwawa leo asubuhi katika mapigano yaliyozuka kwenye ngome ya waasi wa Tamil Tigers huko Jaffna kaskazini mwa Sri Lanka.

Mazungumzo ya kutafuta amani kati ya serikali na waasi wa Tamil Tigers yamepangwa kufanyika mjini Geneva, Uswisi tarehe 28 na 29 mwezi huu.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com