1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Cairo.Abbas kuelekea Gaza kwa mazungumzo na waziri mkuu Ismail Haniya.

Waziri wa mambo ya nchi za nje wa Palestina Mahmud Zahar ameyatolea mwito mataifa ya Kiarabu yaingilie kati haraka kukomesha mashambulio ya Israel huko ukanda wa Gaza.

Waziri huyo wa kutoka chama cha Hamas amesema nchi za Kiarabu zinabidi ziwajibike mbele ya Wapalestina na kuingilia kati haraka kupitia mashirika ya kimataifa na kupitia kila hali ili kumaliza mashambulio ya Israel.

Zahar anaefanya ziara ya siku kumi nchini Misri, amekuwa na mazungumzo na kiongozi wa udugu wa Kiislamu Mohamed Mehdi Akif.

Wakati huo huo kiongozi wa utawala wa ndani wa Palestina Mahmoud Abbas anatazamiwa kwenda Gaza hii leo kwa mazungumzo pamoja na waziri Mkuu Ismail Haniye na viongozi wa makundi mengine ya kisiasa.

Ziara hiyo inatokea katika wakati ambapo mazungumzo ya kuunda serikali ya muungano wa kitaifa yanaashiria kuleta tija.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com