1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Brussels. Uturuki yatoa pendekezo kufungua viwanja vyake vya ndege na bandari kwa Cyprus.

Mabalozi wa umoja wa Ulaya wanatarajiwa kukutana baadaye leo kwa ajili ya kikao maalum kujadili pendekezo la Uturuki la kufungua bandari na viwanja vyake vya ndege kwa ajili ya vyombo vya usafiri vya Cyprus. Inafikiriwa kuwa wanaweza kuamua kuwaambia mamawaziri wa mambo ya kigeni wa umoja wa Ulaya kutochukua hatua ya kusitisha kwa muda mazungumzo na Uturuki.

Hata hivyo kwa mujibu wa wanadiplomasia wa umoja wa Ulaya pendekezo hilo la Uturuki lina masharti kwa serikali ya Wagiriki wa Cyprus kuweza kukubaliana na mambo fulani. Serikali ya Uturuki haitambui serikali hiyo ya Wagiriki wa Cyprus. Umoja wa Ulaya unataka Uturuki kufungua bandari zake zote pamoja na viwanja vya ndege kwa ajili ya vyombo vya usafiri vya Cyprus.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com