1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN:Msumbiji kupata msaada wa Ujerumani

Rais wa Ujerumani Horst Koehler anaahidi kuendelea kusaidia nchi ya Msumbiji baada ya kumkaribisha kwa mikono miwili Rais Armando Guebuza.

Msumbiji ni moja ya mataifa manne iliyo katika ratiba ya Ujerumani ya maendeleo ya kiuchumi na misaada kwa mujibu wa Rais Koehler.Msumbiji inakabiliwa na umasikini mkubwa hata baada ya uchumi kukua kwa kiwango kikubwa katika miaka ya hivi karibuni.

Kulingana na taarifa yake iliyotolewa mapema Rais Koehler anatoa wito kwa Wajerumani kuwekeza nchini Msumbiji.

Rais Guebuza anajiunga na marais wa Benin,Botswana na Nigeria kwa mkutano wa siku tatu kati ya Ujerumani na Bara la Afrika.Mkutano huo ulioanza hii leo unafanyika mjini Eltville.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com