1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN: Wanamgambo waionya Ujerumani kwenye mtandao

Serikali ya Ujerumani imesema,wataalamu wanachunguza risala mbili za kanda za video zilizowekwa kwenye mtandao wa Internet, unaosemekana kuwa ni wa makundi ya kigaidi.Kanda mpya inaonya kuwa Ujerumani na Austria zitakabiliana na mashambulio ya wanamgambo ila kama zitaondosha vikosi vyao kutoka Afghanistan. Kanda hii inafuata ile iliyotolewa siku ya Jumamosi.Katika kanda hiyo wanamgambo wa Kiiraki wameonekana wakimshikilia mwanamke wa Kijerumani pamoja na mwanae wa kiume na kutishia kuwaua isipokuwa Berlin itaondosha vikosi vyake kutoka Afghanistan katika kipindi cha siku 10.Serikali ya Ujerumani ina kama wanajeshi 3,000 nchini Afghanistan.Vikosi hivyo ni sehemu ya majeshi ya kimataifa yanayolinda usalama nchini humo chini ya uongozi wa NATO.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com