1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Berlin. Ujerumani yakataa kutimiza masharti ya wateka nyara.

Muda uliowekwa na wateka nyara nchini Iraq ambao wanawashikilia raia wawili wa Ujerumani umepita , lakini serikali mjini Berlin inakataa kutimiza madai ya wateka nyara hao.

Kundi la kigaidi ambalo halijulikani sana linatishia kuwauwa mwanamke mmoja mwenye umri wa miaka 61 pamoja na mwanae wa kiume kwa madai kuwa Ujerumani iondoe majeshi yake kutoka Afghanistan.

Mjini Roma siku ya Jumanne, kansela Angela Merkel alirudia msimamo wake kuwa Ujerumani haitasalim amri kwa madai hayo.

Hata hivyo, ameongeza kuwa serikali yake inafanya kila linalowezekana kuhakikisha kuwa mateka hao wanaachwa huru.

Hannelore Krause mzaliwa wa mjini Berlin na mwanae wa kiume walikamatwa wiki sita zilizopita wakati watu wenye silaha walipoingia nyumbani mwao mjini Baghdad, ambako amekuwa akiishi kwa muda wa miaka zaidi ya 20.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com